ردت الفنانة اللبنانية نيكول سابا على الهجوم الذي تعرضت له في وقت سابق بسبب ظهورها بشعر غير مسرح وأعادت نشر صورة لها بالإطلالة نفسها وأرفقتها برسالة شديدة اللهجة توجهت من خلالها إلى المنتقدين. ومما جاء فيها: "هالرسالة لبعض يلي ما بيفهموا مش للكل وما عم عمّم. يعني إذا هيك وشفتوني ساحرة على إنو شعري بدو تزبيط على شمطاء على ما بعرف شو بلا بلا... يبقى اسمحولي قلكن إنكن بلا نظر".

وأضافت: "الموضوع ببساطة إنتو تعودتو على الأشكال المصفصفة وميت اكستنشن على عشرين كيلو رموش على 15 كيلو بويا وميك أب وألف فيلتر. إنو بلا ميك أب ما بيعجب وبلا مساوي شعر ما بيعجب ما فالحين إلا بالانتقاد عالرايح والجايي".

وتابعت: "ايه ارتاحو أنا مبسوطة بحالي وشايفة حالي وما مصدقها. عالقليلة أنا ع طبيعتي وهيك رح ضل. بعدين يا أذكياء إذا الواحد قاعد بحجر منزلي مينيموم يكون على طبيعتو ومش مصفصف ببيتو. فهمتوا ولا بعد يا مزوقين انتو؟ تعلموا الذوق وبعدين علقوا لأنو أنا لما كنت أعرف فيه كنتو إنتو بعدكن عم تتعلموا تقروا شو معنى الكلمة. وهاي الصورة عن جديد رح حطها وبذات اللوك لأنو كتير بحبها، وصلت؟".

قد يهمك ايضـــًا :

نيكول سابا تدعو لبابا الفاتيكان بعد تعرضه لوعكة صحية

اللبنانية نيكول سابا تحتفل بليلة رأس السنة في التجمع الخامس