الفنانة يسرا تفتح قلبها وتكشف أسرار حياتها وموقفها من الشهرة في حوار صريح

حلّت الفنانة الكبيرة يسرا ضيفةً على برنامج "one to one" المولّد بالذكاء الاصطناعي والمذاع على "يوتيوب" حيث تحدثت عن أزمتها مع والدها بسبب رفضه تقديمها أدواراً معينة، إضافة الي ذكرياتها مع الفنان الراحل سمير صبري، وغيرها من أسرار حياتها الخاصة.

وأكدت يسرا أنها رفضت دوراً في وقت سابق بسبب رفض والدها تقديمها دور العشيقة، كما أشارت الى أنها لم تعُد تحب النظر في المرآة كثيراً.

وقالت يسرا: "حالياً بطّلت أحب المرايا لأنها بتخلّيني مركزة في حاجات معينة وده بيخليني مش أنا... وأنا بحب أكون نفسي بكل عيوبي، وكنت بحب شكلي وأنا صغيرة وبتمنى أخس أكتر دلوقتي".

وأضافت: "اتعرض عليا دور في فيلم عملته صفية العمري ووالدي رفضه وقالي بنتي متطلعش عشيقة... والدي أخدني وأنا عندي 14 سنة وقعدت سنة ونص مشوفتش أمي وكانت تروما بالنسبة لي، وعشت مع شخص أنا مش عارفاه أوي اللي هو أبويا، مامتي كانت كل حاجة في حياتي".

وتحدثت يسرا عن ذكرياتها مع الفنان الراحل سمير صبري، مشيرةً الى أنه السبب في رجوعها الى الساحة الفنية بعد تعرضها لحادث مروّع شوّه وجهها.

وقالت: "سمير صبري اللي وقف معايا وأنا لوحدي مش هنسى لما عملت حادثة ووشي اتفتح أصر وقتها إني أرجع وأشتغل تاني والناس كانت خايفة".

وتابعت: "عملت عمليتين في 36 ساعة، وسمير صبري كان جنبي طول الوقت، هو اللي رجّعني أشتغل وكان مؤمن بيا، وكان في شخصية في حياتي مضيقاني، قضى عليها".

وتطرقت يسرا في الحديث الى الشهرة وهل كانت سبباً في إزعاجها يوماً ما، فقالت: "اللي بيقول الشهرة بتضايق ويفضل فيها كداب، هو عاوز يتشهر، أنا مع الجمهور بحس إني مدينة له، بيحبك من غير شروط بس مينفعش يدخل في حياتك أكتر من اللازم، حياتك بتاعتك مش بتاعة حد تاني، وأنك تكوني لطيفة معاه ده أقل حاجة بعد الحب اللي بيدهولك".

قد يهمك أيضــــــــــــــا

يسرا تكشف عن كواليس مشاركتها في فيلم "شقو" ومفاجأتهما المقبلة

يسرا تتحدث عن مسلسلها "روز وليلى" وتؤكد أنه يضم جميع عناصر النجاح