محمد محمود عبد العزيز يهاجم شقيق ياسمين عبدالعزيز

هاجم الفنان محمد محمود عبد العزيز، شقيق الفنانة ياسمين عبد العزيز لهجومه عليها على مواقع التواصل الاجتماعي بعد اعلان ارتباطها من الفنان أحمد العوضي، واستخدامه ألفاظ غير لائقة على صفحته بموقع "فيس بوك"، ونشر "محمد محمود عبد العزيز" فيديو للتعليق على حسابه الخاص بموقع "انستجرام" وعلق عليه قائلا: " الف خسارة على الرجولة لما اخ يتكلم عن أخته كده.. ياسمين ب1000 راجل".

وقال محمد محمود عبد العزيز، خلال رسالته بالفيديو: "أنا مش مصدق ومش فاهم إن في ناس بتعمل كده وأخوات بتفكر بالطريقة دى بالنسبة لي هبل وفى مواقف تتحط تحت بند هبل والموضوع تحول الى أننا بنفضح بعض واخوات في بعض وبنتكلم على بعض ونقول أى كلام في أى حاجة والسوشيال ميديا دمرت دماغنا لهذا الحد".

وصوب محمد محمود عبد العزيز، نقده لوائل عبد العزيز قائلا: "اللي بيحصل ده ملوش أي علاقة بحاجة اسمها رجولة ولا اخوة ولا تربية وده خرج بره نطاق المنطق تماما، وانا مش مقتنع ولا مصدق اللي بيحصل خالص وانا فاكر اهلينا زمان ربونا وعلمونا اننا نتلم مع بعض بس ده للى اتربى وده للأهل اللى ربت، والمنطق بيقول اننا نقفل على بعض ونحل مشاكلنا جوا بعض ومنصغرش بعض قدام الناس واللي ملوش كبير بيشتري له كبير".

وتابع: "اللى حصل ده ملوش علاقة بالرجولة خالص والمشكلة الأكبر من ده كله أتكلم على واحدة منعرفهاش ووحدة مش معروفة انها بألف راجل.. ياسمين جدعة وراجل مع أصحابها واللي عملته ده مش صح والموضوع زاد قوي وحسبي الله ونعم الوكيل في الجنان والرصاصة طلعت ورشقت في قلب اختك، ومليون خسارة على الرجولة".

قد يهمك أيضًا

الفنان محمد محمود عبد العزيز يسترجع ذكرياته مع والديه

شقيق ياسمين عبد العزيز يفتح النار مجددا على أحمد العوضي