صراع داخلي

المشكلة : انا بنت عمري 21 اتعرفت ع شاب لما كان عمري 14 سنه علقني فيه وتعلق فيني كتير ، هو كتير بحبني ضلينا مع بعض لهسا يعني 6 سنين ،هو عمره حاليا 25 انا اكملت دراستي الجامعيه باقي سنه لتخرجي ، وهو رسب بالثانوية العامة واختار طريق العمل وهو موظف حكومي ،، بحترمني كتير بال6 سنين عمره ما غلط علي او جرحني وهو هدفه الزواج مني ،، المشكله اني بلشت اصير بعمر بيجيني عرسان انا عندي خوف كبير من القرارات المصيرية وما بعرف اقرر عنجد ، بعد تشجيعه الي فتحت الموضوع مع امي وخواتي انه في شاب بده ياني اعترضوا ع انه وضعه عادي وع انه مش مكمل دراسته وصاروا يحكولي فكري بعقلك والزواج مش حياه وردية والفرص قدامك رح يجيلك الاحسن الدارس وعنده بيت والخ .. انا وقتها ما اهتميت لحكيهم وحكيتله انه يحاول يرجع يدرس ويطور حاله ، لكن بعد اسبوعين ولهلأ صرت احس بمشاعر غريبه صرت حاسه ببرود واني بطلت عارفه احدد مشاعري تجاهه وانه مش عارفة ازا انا عنجد بحبه لدرجة مستعده اعيش معه بأي شي ولا لا ، لما أتذكر حياتي معه وحنيته علي بقول اه ، لكن لما افكر بس بعقلي بقول ليش ما تكون حياتي مع شخص دارس وغني وراحة بال ، بنفس الوقت برجع بحن للمشاعر الي بيننا وع انه هو كتير منيح معي وبحبني حب مش طبيعي وابدا مو جاهل و وظيفته ثابتة وطموح ، انا مشكلتي اني صرلي اسبوعين مخربطة كتير ومو عارفه شو رح تكون حياتي لقدام ونفسيتي تعبت كتير ومو عارفه شو اعمل ، فيني صراع داخلي كبير.

الحل : اهلا بك يا ابنتي ويبدو ان احد لم يخبرك انه لاجل هذا كان حرام اي علاقة بين شاب وفتاة بدون اطار شرعي، يا ابنتي ما فعلتيه انك هدرت عمر وعواطفك وانت صغيرة مع شاب لا تعرفين مستقبله والزواج قسمة ونصيب وقدر ومكتوب ولهذا انصحك ان تبتعدي عنه قليلا وما تغير مشاعرك الا لانك واثقة من راي اهلك، ورغم احترامي لعواطفك الا ان الزواج ليس احلام وردية فهو مسؤولية ويحتاج الى رجل عصامي والشهادة لا تعيب الرجل ولكن ان كان متعثرا في عمله ومستقبله غير مضمون فهذا امر يستحق التفكير والامر الاخير احذري ان تفقدي اهلك وثقتهم بك لاجل شاب فكل العلاقات تتغير الا علاقتك باهلك فهي ثابتة وهم حقا يريدون مصلحتك، ارجعي خطوة للوراء وفكري بعقلك واتركي العاطفة جانيا واتخذي قرارك بناء عليها وليس لامر الشهادة بل ان كان مجتهد وعمله مضمون ويكسب منه جيدا ويمكنه ان يقدم لك احتياجاتك واولادك مستقبلا فاقبلي به، وان كان غير مكافح ولم يفعل الكثير في هذه السنين ويتارجح بين عمل واخر فهو غير مستقر ولن ينفع نفسه ولن ينفعك فالحياة ليست سهلة وربي يوفقك.