يقابل حبي بالإساءة

المشكلة : راح ادخل سنة ١٠ لطلاقي انفصلت بعمر ٢٠ والسبب زوجي اشترى ملهى ومكدرت ابقى ويا ...انفصلت عنه وعندي بنية صغيرة ومقبلت اتزوج علمود بنتي ..كملت دراسة واتعينت واني لا افكر لازواج ولا شي اروح بطريقي واجي بطريقي ورغم هواي الي اتقدموا الي لكن كنت ارفض...بنتي صارت بالمدرسة وكامت تطلب مني بابا جديد واخوان واشوف بعينها حسرة العائلة كمت افكر اتزوج لكن انتظر النصيب الزين قبل كم سنة اتقدملي موظف ويانة (هو متزوج وعندة اطفال ) اني رفضت لان مردت ابني سعادتي ع سعادة زوجته لهالسبب رفضت ونقلت نفسي لغير مكان..انقلت والموظفين الجدد كنت اعرفهم الا المدير وطبعا هو يعرف عائلتي بس اني ماعرفة...جنت ويا حالة حال الباقين لكن هو بدا يميزني وياذيني بالعمل وهواي امور وكل الي وياي كلولي واجهي واكثر من مرة واجهتة لكن ينكر معاملته الي(للعلم هو كدامي هيج بس ورايا وكدام الباقين يبين اهتمامة بي واعجابة وحتى بالعمل ميدزني لغير دوائر والباقين يعرفون باعجابة بية) ..لا اراديا جنت افكر ليش هيج يسوي وبدون ما ادري حبيته ...اي حبيته اول مرة بحياتي احب شخص ... استمر الحال وضل ياذيني وراها كلي انه معجب بية .. كلش فرحت بداخلي هو يعرفني صاحبة دين واخلاق ومو مال سوالف موزينة... بديت لا اراديا اهتم واخاف علي طبعا هنا هو عرف بية اني معجبة بي ومن عرف اني معجبة بي كام ياذيني بالزايد وميرتاح الا يخليني ابجي... مرت ايام واشهر وهو يعاملني بسوء وحسيت كأنه يريد يبعدني عنة..كدام الباقين يكولي شوكت تزوجين...شايفين شكد صعبة وتذبح هالكلمة من شخص تحبة وربي شاهد جان حبي طاهر وبداخل روحي بس لا مسجات لا تلفونات... سحبت نفسي بكل هدوء ودست ع كلبي وكمت اتعامل ويا مثل البقية طبعا هو دائما يحب يبين كدام الباقين وكأنه اكو شي بينة ...ضل يعاملني بحقارة الى ان فجأة رجع اهتم بية ويسئل جنت متفاجئة بعدها عرفت انه سمع اكو احد متقدم الي...سئلني عن الزواج كتله رفضت ... لحد الان هو ديشوف الي ديتقدمون الي واني ارفض (رفضي مو لاجله بس لان قسم مو زينة) وديشوف كدامة شكد اكو معجبين بية وللعلم هو يمنع اي قسمة تجيني .. الشي الي محيرني ليش كدام الكل يبين حبة الي واهتمامة وغيرته بس كدامي لا..وليش هيج يسوي اذا ميريد بيني وبينة اي ربط.. تعبت وماكدر انقل نفسي لغير مكان وماعرف ليش هيج يتصرف مرات اتمنى اكول ياريت يجي يوم اداوم واني لابسة حلقة واصدمة!!!! اتمنى احد يكولي ليش هيج يتصرف وشنو يريد مني.

الحل : اهلا بك يا سيدتي وصدقيني بما انك سيدة محترمة وملتزمة في الظاهر يجب ان تكوني كذلك في السر وبينك وبين ذاتك وتفكيرك بهذا الرجل بهذه الطريقة يقلل من قيمتك وقد لاحظت كيف انه ازداد سوء عندما شعر باعجابك به وهو حال بعض الشباب ان عرف باهتمام الفتاة بدأت الاذية والنكران ظنا منه انها سهلة او رخيصة حاشاك، ولهذا اقول لك اول نصيحة بما انك مخلصة في اخلاقك ودينك ابق كذلك في السر والعلانية ولا تفكري به ولا تدققي في اي تصرف من تصرفاته كوني طبيعية وهو يتلاعب لك لانه لو كان يريد الزواج منك مثلا لتقدم لك فهو رجل بالغ عاقل راشد وله لسان ويتكلم وسيقولها لك بكل بساطة ولكن اخشى لا سمح الله انه ينتظر الفرصة للايقاع بك فكوني حريصة وحذرة وابتعدي عنه وضعي في عقلك احتمال ان تتزوجي رجل ممتاز ولا يجوز ان تكوني معجبة بالمدير وتفكري به اخلاصا لزوجك فتوقفي عن هذه الافكار وعن هذه المشاعر ودعيه يعرف انك قوية ولا تشعريه بان اهمية وربي يوفقك.