أفكار ستايلات طبقات للمحجبات في موسم الخريف لمزيد من البساطة وجمال المظهر

دايما الانتقال ما بين المواسم بيكون محير شوية في اللبس, ومع قرب موسم الخريف بنبدأ ندور على حاجات متكونش تقيلة ولا خفيفة اوي عشان تناسب الموسم ده, والنهاردة من خلال موضوعنا هنقولك افكار ستايلات طبقات للمحجبات, تستوحي منها للوك بتاعك خلال موسم الخريف.

افكار ستايلات طبقات للمحجبات لموسم الخريف:

– من القطع اللي متصدرة في كل المواسم هو الكارديجان ما بين الستايل القصير او الطويل, ويعتبر من القطع المناسبة اوي لموسم الخريف مع الجينز او مع البنطلون الكلاسيك, وتنسقي معاه توب او شيميز مناسب, او تقدري كمان تلبسيه على فستان او على جمبسوت.

– والكارديجان تقريبا هنلاحظ انه من القطع الاساسية في المجموعة اللي معانا النهاردة, في اكتر من لوك.

– كمان الجاكيت الجينز من القطع المناسبة جدا لموسم الخريف, تقدري تنسقيه مع الجينز او كمان مع بنطلون كلاسيك, وتيشرت او شيميز.

– البالطو الخفيف كمان يعتبر من الحاجات المناسبة جدا لموسم الخريف, واللي ممكن تلبسيه فوق اي قطعة عندك في الدولاب.

– كمان الكيمونو من القطع اللي ممكن تعتمدي عليها في موسم الخريف.

– كملي اللوك بتاعك بالشوز المناسب, ممكن تلبسي سنيكرز, او صندل مفتوح, او Slipper هيكون مناسب لموسم الخريف.