بكلمات مؤثرة ريم البارودي توجه رسالة لـ رامي جمال

نشرت الفنانة ريم البارودى، عبر موقع التواصل الاجتماعى "إنستجرام"، صورة لمنشور الفنان رامى جمال على موقع "فيس بوك" الذى أوضح فيه المرض الذى أصيب به.

وعلقت ريم البارودى "انت قد اَي حاجه بثقتك بنفسك وايمانك بالله وحبك واحترامك لفنك وجمهورك ولا يهمك والف مليون سلامه ياصديقي وزوج صديقتي الصدوقه ناريمان النجم الموهوب المحترم الراقي #رامي_جمال ربي كريم قادر انه يشفيك في غمضه عين ولا يهمك من امتي مهم الشكل المهم جمال الروح والموهوبة الحقيقه ولايصح الا الصحيح #الفن #لسه_في_أمل #رامي_جمال????????????????".

ورد عليها الفنان رامى جمال "انتي عارفه اني بحترمك وبستجدعك وهي الدنيا مبتحلوش وتهون غير باللي زيك❤️ ".

وسبق وكتب الفنان رامى جمال عبر موقع التواصل الاجتماعى "فيس بوك"، "الحمد لله الذي أحبني ف ابتلاني واقدرني علي الصبر من فتره ظهرت بقع بيضا في جسمي وبالكشف عرفت انه البهاق وجربت أنواع علاج كتير ودكاترة كتير ومفيش فايده رضيت وسلمت أمري الله علشان عرفت ان الزعل بيزوده وكفايه شغلانتي وصعوبتها والقلق الدائم من المستقبل".

وتابع:" وفعلا بقي بيزيد لدرجه لفتت نظر ناس كتير اللي بقي يقوللي هتتعامل ازاي وانت فنان واللي يخاف يسلم واللي يسألني هو ده معدي انا بقالي سنه فعلا لو عندي حفله او تصویر بتعب علي ما اشوف طريقه أخفيه بيها لدرجه خلت ناس تقوللي شوف بیزنس تاني اعمله علشان الناس مش هتقبلك كده فكرت في كلامهم بصراحه ولقيت ان عندي حلين یا فعلا شكرا لحد كده علي الشغلانه دي رغم حبي ليها وعدم معرفتي بغيرها".

واختتم "یا اما مش هداريه تاني وتقبلوني بيه وترحمو كل اللي ربنا ابتلاهم بيه من نظرة انو شكلو غريب الحمد لله على نعمة الأهل لانهم الوحيدين اللي بيقبلو الواحد زي ما هو طولت عليكم بس قلت أشرككم في حياة فنان".

قـــد يهمــــــــك أيضــــــاُ : 

رامي جمال يفجر مفاجأة لجمهور إليسا

ريم البارودى تؤكد أن ردود الأفعال عن "قيد عائلي"قوية للغاية