​ريهام سعيد تُفاجئ القرموطي في أوّل ظهور لها بعد الخروج مِن السجن

فاجأت الإعلامية ريهام سعيد الإعلامي جابر القرموطي على الهواء مباشرة، أثناء حلقة الأحد من برنامج "مانشيت" المذاع عبر قناة "النهار"، وذلك في أول ظهور لها بعد خروجها من السجن.

وقالت ريهام "ماحدش يعرف إني جاية ولا قناة النهار، ولا أستاذ جابر، وأول مرة أخرج أقابل حد، وقررت تبقى أنت أول واحد، أنا جيبالك شيكولاتة عشان تفرّق على الناس، آسفة للسادة المشاهدين على قطع البرنامج، أنا قررت أشكرك علشان لما طلعت اتفرجت على الفيديوهات لاقيت أنت وأنا جوه السجن اتكلمت عني كويس".

وتابعت ريهام: "أنا كنت مبسوطة أوي بالفيديو ده وقلت الحمد لله جه الوقت اللي عيالي ممكن يلاقوا فيديو حلو عني بعد ما أموت، بدل ما الناس بتقعد تقول عني إني دخيلة على الإعلام، مع إني معايا ماجستير في الإعلام".

وقدّمت ريهام هدية إلى القرموطي عبارة عن طقم نجلها الصغير "طارق"، والذي كان يرتديه أثناء زيارته لها في السجن، قائلة "أنا كنت بادعي كتير أخرج، وقلت أقدملك الهدية دي علشان الطقم ده غالي عندي أوي".
​