فنياً البدري مش الافضل في الوقت الحالي للفريق الاحمر ، الأهلي كان يحتاج مدرب اجنبي قوي الشخصية عشان يقدر على "الشلل" والتجمعات اللّي جوة الفريق ، البدري مدرب كويس لكن مش سوبر وبان اوي مع المنتخب الاولمبي بأنه مدرب من الطابع الكلاسيكي ( القديم المحفوظ )

طب حد يقول ده عمل اكتر من انجاز كبير اقوله الجيل اللي كان موجود في الأهلي في هذا التوقيت لا يتكرر من حيث الشغل الفني والأخلاقي ده غير الادارة اللي كانت متحكمة في كل شيء

اعتقد الأهلي خسر هاني رمزي اللي كان هيعمل طفرة كبيرة من حيث اللعب والشكل والطريقة ، بتوقع من دلوقتي بأن البدري مش هينجح مع الأهلي وكمان مش هيلاقي دعم من الجماهير ، ومع أي اخفاق الناس هتقول ده هرب وسابنا قبل كدة ومحدش هيستحمل .

نقطة تانية انا مش عارف تفاصيلها بالضبط لكن هل لو الكابتن حسام البدري هرب من الأهلي فعلاً ؟؟
ينفع يرجع ؟؟
طب لو ينفع هل ينفع الأهلي يرجع التوأم ؟؟
طب لو ده ينفع ودة ينفع هل ينفع الأهلي يرجع الحضري ؟؟

بس خلاص ..